මනෝ සේකරම් යනු ශ්‍රී ලංකා තොරතුරු තාක්ෂණ ක්ෂේස්ත්‍රයේ (ICT Industry ) දැවැන්තයෙකි. එමෙන්ම ජාත්‍යන්තර තොරතුරු තාක්ෂණ සංවර්ධන වෙළඳපොලේ වෘත්තීයමය ගුණාංගවලින් යුත් හා ජාත්‍යන්තරව පිළිගත් චරිතයකි. ඔහු සිය කාර්යයන් කෙරෙහි අතිශය උන්න්දුවක් දක්වන අතර ඔහු දැනට ශ්‍රී ලංකාවේ තොරතුරු තාක්ෂණ බීපීඑම් අංශය ප්‍රවර්ධනය කිරීමට දරන උත්සාහය ප්‍රශංසනීයය. 99X Technology ආයතනයේ ප්‍රධාන විධායක නිලධාරී වන එතුමා ලාංකීය ආර්ථිකය ගොඩනැංවීමට මහත් සේවයක් සහ නායකත්වයක් ලබාදෙයි. එමෙන්ම ඔහු ICT Industry සමාගම් වල එකතුවක් වන SLASSCOM ආයතනයෙහි හිටපු සභාපතිවරයෙකි. වියවසයකත්වය නැංවීම සඳහා වන Lanka Angle Network (LAN) ආයතනයෙහි වත්මන්සභාපතිවරයාය. කොළඹ සහ යාපනය විශ්වවිද්‍යාල වල අධ්‍යක්ෂක මණ්ඩල සාමාජිකයෙකි. StartupX Foundry (nonprofit) නම් තරුණ වියවසායකයන් දිරිගන්වන ආයතනයේ නිර්මාතෘ වරයාය. තොරතුරු හා සන්නිවේදන තාක්ෂණ කර්මාන්තයට කළ දැවැන්ත දායකත්වය වෙනුවෙන් තොරතුරු තාක්ෂණ වරලත් ආයතනයේ BCS විසින් 2014 හොඳම ජාතික තත්ත්ව මෘදුකාංග සම්මාන උළෙලේදී (NBQSA) ‘ජීවිත කාලය සඳහා වන සම්මානය’ (‘Lifetime Achievement Award’ ) පිරිනමන ලදී. මෙයටඅමතරව ඔහුගේ සමාජසේවය සඳහා විවිධ සංවිධාන වලින් බොහොමයක් උපහාර ලබා දී තිබේ.